Gena dhe bashkëshortja e tij Lorena kanë 10 vite bashkë, por asnjëherë nuk kanë folur për historinë e tyre të dashurisë.
Në një intervistë për emisionin “Prive” ata treguan se si ishin njohur dhe dashuruar me njëri-tjetrin.
Lorena prej vitesh jetonte në Greqi, por ishte kthyer përkohësisht në Shqipëri për të marrë disa dokumente.
“Në një mbrëmje, shokët dhe shoqet më thanë që të dilnim dhe më çojnë tek lokali ku këndonte Gena ato kohë. Mund të them që ishte dashuri me shikim të parë, sepse e pashë dhe më pëlqeu”, tregoi Lorena.
Në fillimet e lidhjes së tyre Gena i ka kushtuar edhe një këngë Lorenës, “Sa lot kam derdhur për ty”.
“Ajo ka qenë vërtetë periudha më e bukur dhe unë atë këngë e kam përjetuar shumë. Ia kam kënduar me gjithë shpirtin tim”, rrëfeu Gena.
Ata kanë pasur një lidhje në distancë, por kjo nuk e ka penguar lidhjen e tyre.
Gena tregoi se duke qenë një natyrë ekspresive bashkëshortja dhe martesa e kanë ndihmuar që të mos bëjë gabime në jetë. Çifti dëshiron që së shpejti të kenë edhe një fëmijë, por siç e thonë edhe ata këto janë punë të Zotit.
