Një nga emblemat më të njohura në të gjitha aksesorët, veshjet dhe bizhuteritë e Chanel është lulja Kamelia. Kjo është një bimë që përshtatet me lehtësi në klima të ndryshme dhe gjendet në ngjyra të bardhë, rozë dhe të kuqe.
Format e saj gjithashtu ndryshojnë, është e hapur ose e rrafshuar. Me kalimin e kohës kjo lule ka treguar shumë për stilin dhe vetë ikonën e modës, Coco Chanel.
Kjo lule u bë një nga simbolet e njohura, sidomos në spilat dhe bizhuteritë, por edhe për të dekoruar veshjet dhe aksesorët. Si u bë Kamelia një pjesë integrale e një prej shtëpive më të suksesshme të modës në botë?
Herën e parë qe lulja Kamelia u shfaq në veshjet e Chanelit ishte viti 1923, pastaj u bë pjesë e pandarë. Kjo lule me delikatesën e saj nuk frymëzoi vetëm imagjinatën e stilistes, por u bë një markë e vërtetë e stilit të saj.
Jeta, historia, kreativiteti i Coco Chanel vazhdon të frymëzojë edhe sot shumë stilistë. Disa fakte tregojnë se kur ishte vetëm 13 vjeç, Coco Chanel u impresionua shume nga teatri “La Signora della Camelie”.
Në atë kohë meshkujt e përdornin lulen Kamelia në xhaketë si simbol të sofistikimit. Chanel e donte këtë lule sepse ishte shumë delikate, lulëzon në dimër, dhe ka aftësinë për të mos i humbur petalet për një kohë të gjatë. Kamelia nuk është një lule e thjeshtë, është lulja e Chanel-it.
Burimi: Telegraph
