Dhjetëra kalimtarë në Sheshin “Skënderbej” u bënë dëshmitar të një momenti shumë romantik, që rrallëherë e shohim në Shqipëri. Besmiri, nisi të performonte me një tufë të rinjsh në mes të sheshit, teksa e dashura e tij e zemrës, qëndronte e fshehur pas njerëzve duke e filmuar.
Ajo nuk kuptoi pothuajse asgjë, se e gjitha kjo ishte e stisur nga i dashuri i saj, për të qenë një nga momentet më magjike të jetës. Teksa vallëzonin nën ritmet e këngës “Marry me” të Bruno Mars, Besmiri drejtonte gishtin nga partnerja e tij, por sërish kjo e fundit nuk kuptoi asgjë.
Ndihmësit e Besmirit, u detyruan të sillnin vajzën përpara tij dhe Besmiri mori guximin dhe u ul në gjunjë.
“A do të martohesh me mua?” – dëgjohet të thotë mes brohoritmave djaloshi, në videon e publikuar nga Kryetari i Bashkisë Erion Veliaj.
Dhe normalisht që pas këtij propozimi madhështor dhe të mirëmenduar, partnerja e tij do të përgjigjej me “Po”. Tanimë presim vetëm dasmën!
Ndiqni videon e plotë, më poshtë:
