E kemi parë shpesh të eksperimentojë me modelet e flokëve, por dy ditë më parë Loredana na habiti të gjithëve kur u shfaq me flokë të shkurtëra, siç nuk e kishim parë asnjëherë më parë.
Duhet ta pranojmë se për hir të së vërtetës, këngëtarja duket shumë ndryshe me look-un e ri dhe në fillim mezi e njohëm.
Fillimisht, fansat e morën me sportivitet ndryshimin e saj dhe madje e krahasuan me Ken-in, duke shkaktuar jo pak humor në rrjetet sociale.
Mirëpo, tashmë kanë zbuluar një detaj tjetër, që e lidh këtë ndryshim të këngëtares pikërisht me Mozzik.
Si do thoni ju?
Epo, autorja e hitit “Angst” i ka bërë flokët as më pak dhe as më shumë se si Madona, e cila e ka patur këtë model flokësh vite më parë.
Por, ç’lidhje ka kjo me Mozzik?
Epo ndryshimi i saj erdhi pikërisht pas këngës së bujshme të ish-bashkëshoritit të saj, që i dha këtij të fundit një super sukses.
Për hir të së vërtetës, kohët e fundit reperja ka qenë paksa e çuditshme me postimet e saj duke ngritur kështu dyshime se i mungon Mozzik.
Disa ditë më parë ka postuar në Instastory dy foto të Kim dhe Khloe Kardashian që shfaqen me familjet respektive.
Në fakt kjo nuk është hera e parë që publikon foto të tilla, të çifteve apo familjeve më të njohura nga bota rozë dhe ne po mendonim mos ndoshta do të na thojë diçka me këtë?
Mos ndoshta këngëtares i mungon Mozzik dhe kalimi i kohës me familjen?
Mozzik deklaroi disa muaj më parë në një intervistë për NIN, se ishte ai që e mori vendimin për t’u ndarë dhe se nuk ka ndërmend të kthehet më me ish-partneren e tij.
Ai ka mohuar të gjitha zërat se ndarja e tyre ishte e stisur, por fansat ende shpresojnë për një rikthim të çiftit.
