Sikundër parashikuam konflikti Tayna-Dafina po bën xhiron e rrjetit dhe mjaftojnë detaje mjaft të vogla për të formuar lidhje me konfliktin e tyre.
Së fundmi, pjesë e debatit të heshtur është bërë edhe Adelina Ismajli dhe shkak është bërë një postim i saj në Instastory. Dhe nuk ishte një postim dosido, por freestyle i Taynës, që është marrë si diss ndaj Dafinës.
Madje, Adelian i ka thurur edhe disa lavde reperes, duke shkruar:
WOOOW! WOW! Si më paska shpëtuar kjo. Tjetër nivel. (Të flasim për komplekset, zemër)
Ka mjaftuar pikërisht ky postim që fansat të aludojnë se diva Adelina Ismajli të pozicionohet krah Taynës.
Nga ana tjetër, Dafina vijon të bëjë shoqe “rivalet” e Taynës dhe pas Melindës, i ka bërë follow edhe Rinës.
Tayna ishte e ftuar mbrëmjen e të dielës në emisionin e Meriton Mjekiqit “Gjoni Black”, ku siç e do zakoni i këtij emisioni, ka bërë edhe një freestyle. Dhe të gjithë fansat mendojnë se ai është “diss” për Dafinën dhe kundërpërgjigje ndaj këngës së saj “Zili zili”.
Ndër të tjera, reperja thotë gjatë freestyle:
Po m’vje inati? Jo bre, ty t’vjen inati. Hajde po shtyhum, sy m’sy se dorën ta zgjati. Ato nuk din me fol shqip wow, le mo me repovat! Dhjetë vjet karrierë për dy vjet i kom bo”
Ndërkohë, Dafina në “Zili zili” që është një diss i pastër thotë:
Inatin mrena n’shpirt e kini. S’mun dashni me dhon kur n’zemrën tane ki veq zili zili.
Sikur mos të mjaftonte kjo, vulën muhabetit i ka vendosur fakti që ato kanë hequr njëra-tjetrën nga Instagrami.
Dy artistet ishin follow deri të dielën. Nuk e dimë se kush e ka hequr e para kë, por tashmë nuk ndiqen më.
Zërat për prishjen e raportit mes tyre nisën që në muajin korrik, pasi u vu re se dy këngëtaret nuk e mbështesnin më njëra-tjetrën për projektet e reja.
Ndryshe nga sa kishin bërë më parë, prej kohësh ato qëndronin në heshtje kur bëhej fjalë për suportin ndaj njëra-tjetrës.
Tayna dhe Dafina shfaqën jo pak kimi në bashkëpunimin e tyre të titulluar “Bye bye” që është edhe bashkëpunimi mes dy femrave shqiptare me më shumë klikime.
E kur ne prisnim që kjo dyshe e fortë të na surprizonte me ndonjë bashkëpunim tjetër, e kundërta ndodhi.
Nuk i dimë arsyet që çuan në përfundimin e kësaj marrëdhënie, por mbetemi në pritje të ndonjë reagimi prej tyre.
