Në 9 maj Tuna i surprizoi të gjithë, teksa zbuloi se ishte bërë nënë për herë të dytë. Ajo publikoi në Instagram foto të saj nga materniteti, të shkrepura gjatë lindjes së fëmijës. Këngëtarja zbuloi se u bekua sërish me një djalë, që e ka pagëzuar me emrin Zen.
“Luta Zotin të më sjell në jetë një mashkull që do të më dojë gjithmonë. Ai më bekoi me dy djem”, shkroi Tuna në postimin e saj.
View this post on Instagram
Menjëherë pas zbulimit të lajmit reagoi dhe Patrisi, i cili tregoi se ai është babai i fëmijës së dytë të Tunës. Ndjekësit filluan të kishin aludime për këtë fakt, sepse Tuna nuk e ka përfshirë në asnjë postim Patrisin pas lindjes për shkak të ndarjes së tyre që nuk ka qenë aspak miqësore.
“Mirë se erdhe në jetë ZEN”, shkroi Patrisi në ditën që Tuna dha lajmin e madh.
Ndërkohë sot për herë të parë pas lindjes së vogëlushit, Patrisi ka publikuar një video shumë të ëmbël me djalin. Ai ka postuar në Instagram një video, në të cilën shihet duke larë Zenin në një vaskë. Patrisi nuk ka ngurruar që këtë moment kaq të bukur ta ndajë me të gjithë ndjekësit e tij në Instagram.
Nuk e dimë se si mund të jenë aktualisht raportet mes Patristit dhe Tunës, por shumë e kanë parë këtë video të Berishës si një shenjë përmirësimi të marrëdhënies. Ata të dy janë prindër edhe të një djali tjetër, Tianit dhe mund të kenë vendosur që të kenë një marrëdhënie korrektë për hir të të vegjëlve.
