Këngëtari grek Notis Sfakianakis, ka folur për herë të parë në lidhje me deklaratat e tij anti-shqiptare, ku sipas mediave i ka cilësuar shqiptarët si racë inferiore.
Nga Tirana, ku ndodhet për të organizuar koncertin në Pallatin e Kongreseve, Notis tha se nuk është shprehur kurrë me këto fjalë.
Në një intervistë për televizionin “Top Channel”, ai theksoi se vëtë fakti që po organizon një koncert në Shqipëri, nuk lë vend për koment.
“Nuk i kam thënë kurrë këto fjalë. Mediat më kanë manipuluar. Dhe diçka tjetër, fakti që këtu jemi në Iliri kjo i thotë të gjitha.” – u shpreh Notis.
“Ju dua shumë, ju pres në Pallatin e Kongreseve!”, tha ai në shqip duke përshëndetur shqiptarët.
