Edhe pse për shkak të kohës duket sikur pranvera te ne mezi po vjen, ne ju urojmë gëzuar pranverën të gjithave duke ju prezantuar fustanet më stil të momentit.
Fustanet e pranverës janë opsioni më i mirë për t’u veshur me lehtësi në motin e sapo ngrohur, pasi ato janë të thjeshta për t’u stiluar me sandale dhe syze dielli. Mbase mund ti vishni edhe me disa taka apo një xhaketë lëkure në një natë të ftohtë.
Pavarësisht nëse ju pëlqejnë lulet, fustanet me pika, një ngjyrë pasteli apo një kombinim shumëngjyrësh, ka stile për të gjitha. Përveç modelit dhe pëlhurës, ju mund të guxoni me një mini-fustan, ta mbani atë klasik me një gjatësi mesatare ose të ndiheni si një perëndeshë me një gjatësi deri në dysheme. Ekzistojnë gjithashtu opsione për mëngë të gjata, pa mëngë, mëngë të ngushta ose të derdhura – zgjedhja është e juaja.
Ne vijmë me një listë me të preferuarat tona nga të gjitha stilet për këtë pranverë të ardhshme, që do të vijë shpejt pas erërave të dimrit të fundit. Hidhini një sy zgjedhjeve tona.
A ndiheni të mërzitura vajza?
Ky fustan maxi me siguri do t’ju vendosë në një humor të mirë, pasi lulet e verdha dhe portokallia janë gjallëruese, plus modeli dhe prerja na kujtojnë vitet ’70 të qeta dhe të dashura.
Një fustan stil “Reformation” është ëndërr e bërë realitet.
Fustani perfekt për sezonin, me lule, ngjyra pastel dhe dekolte elegante si dhe detaje që e bëjnë çdo pjesë vërtet të veçantë. Përshtatet në gjatësinë perfekte për t’u veshur me taka ose sandale me rripa. Mund të kombinohet me një çantë të vogël dore ose disa syze dielli oversize.
Mendojmë se kemi gjetur një fitues për këtë pranverë.
Ky fustan me pika është gjëja perfekte për t’u veshur në një mëngjes të vonë në qytet ose në një ditë pranvere, me mëngët 3/4 dhe një prerje fantastike për ditët më të freskëta të stinës.
Mirëprisni pranverën në mënyrën më të mirë me këtë fustan mini, të lidhur në kurriz.
Detajet përfshijnë një dekolte katrore, bust të zhveshur, bel të lartë dhe një stil vintage.
Pamja (dhe aroma) e pambukut të freskët dhe të pastër është një shenjë dalluese e pranverës dhe verës.
Ky fustan këmishë i thjeshtë por elegant është ai që ju nevojitet këtë sezon duke kombinuar formalitetin e një këmishe me jakë të bardhë me kopsa sipër me freskinë e një fustani pambuku të derdhur në pjesën e poshtme.
