Ju kujtohet dita e parë e shkollës? Të gjithë ndiheshim të emocionuar dhe disi të trembur për atë që mund të na priste. Kështu dukej se ishte edhe Princ George, fotoja e të cilit duke u shoqëruar nga i ati Princ William bëri xhiron në internet.
Ai dukej mjaft nervoz, dhe aspak entuziast se po fillonte shkollën. Gjithsesi, sipas Princit William dita e parë e të birit në shkollë, shkoi “mirë”.
William ka shkruar në “Twitter” nga profili i Kensington Palace, i cili përdoret nga ai, bashkëshortja e tij Kate dhe nga vëllai, Harry se është i lumtur se nuk kishte probleme me George në ditën e tij të parë të shkollës.
“Shkoi mirë. Kishte disa prindër që kishin probleme me fëmijët e tyre. Kështu që unë isha i qetë që nuk isha një prej tyre”, ka shkruar William.
Ai ka falenderuar gjithashtu edhe të gjithë ata persona të cilët e kanë uruar atë për fillimin e një etape të rëndësishme siç është shkollimi për të birin.
Nga ana tjetër Dukeshesha Kate nuk mundi ta shoqëronte të birin në ditën e parë të shkollës, për shkak të problemeve të shtatzënisë së tretë.
