Valdrin Sahiti ka folur për një nga eventet më të rëndësishme në jetën e tij, kurorëzimin e dashurisë me partneren Edita.
Në një intervistë për revistën “Class”, Valdrini u shpreh se dasma tradicionale nuk ishte në planet e tyre. Ideja për t’u martuar në Vegas ishte një kurorëzim i një bashkëjetese 7-vjeçare dhe një festë për të bijën, e cila në atë kohë ishte “rrugës”.
Por si e stiloi fustanin e Editës Valdrini kur të gjithë thonë se është ters që të shohësh nusen me fustan të bardhë para dasme?
Valdrini shprehet se fustanit të bardhë nuk i kushtuan shumë rëndësi, pasi Edita e cila ishte shtatzënë në atë kohë, nuk duronte dot as pizhamat e jo më fustanin.
“Unë kurrë s’kam dashur një dasmë të madhe, as një dasmë tradicionale. Nuk kanë pasur kurrë rëndësi në jetën time, ndarja e jetës personale me shumë njerëz. Më pëlqen të jem më pak, por të saktë, gjithmonë. Ideja e Vegasit ishte një pushim me njerëz që duam fort dhe në një formë një kurorëzim i një bashkëjetesë shtatë vjeçare dhe një festë për Bellën e vogël që kishte nisur rrugën…Nuk i dhamë shumë rëndësi fustanit të them drejtën, sepse donim diçka që ishte i lehtë, komod dhe thjeshtë, ngaqë Edita në atë kohë nuk duronte as pizhamet në trup (ahhaahhaah)!
