Si një mama krenare për të bijën, Kim Kardashian do të postonte në rrjetet e saj sociale një pikturë të realizuar nga vajza, North-i. Tejmase e realizuar, vepra e artit shkaktoi një reagim të jashtëzakonshëm nga ndjekësit, të cilët shprehën haptazi dyshimin nëse peizazhi në fjalë ishte realizuar vërtet nga artistja e vogël. Të shumtë ishin komentuesit që thanë se është e pamundur që një 7-vjeçare të krijojë diçka të tillë.
Jo vetëm kaq, por madje 40-vjeçarja u akuzua se kishte modifikuar pikturën, duke shkruar në anë të saj emrin North. Dikush u shpreh se puna në fjalë ngjasonte me atë të artistit Bob Ross. Kështu morën jetë aludime të ndryshme…
Fill pas kësaj erdhi një reagim i vetë Kardashian-it:
“Mos luani me mua kur vjen puna te fëmijët e mi. Vajza ime dhe shoqja e saj ndoqën leksione të pikturës në vaj, ku talentet dhe krijimtaria e tyre po inkurajohen dhe ushqehen. North punoi jashtëzakonisht shumë me pikturën dhe iu deshën disa javë për ta përfunduar. Si një nënë krenare, doja të ndaja punën e saj me të gjithë”, shkroi Kim.
Më tej vijoi:
“Si guxoni t’i shihni fëmijët duke bërë gjëra të mrekullueshme dhe më pas të përpiqeni t’i akuzoni ata se NUK janë të jashtëzakonshëm? Ju lutem ndaloni së turpëruari veten me negativitet dhe lejoni që çdo fëmijë të jetë I MADH!”
Nëna e katër fëmijëve, vajzave North dhe Chicago, 3, si dhe djemve Saint, 5 e Psalm, 21 muaj, postoi gjithashtu një pikturë të bërë nga shoqja e vajzës së saj.
“Ato shkojnë në të njëjtën orë arti !!!” shkroi Kardashian.
