Ditën e sotme dhe të nesërme, Alban Skënderaj do të mbajë një koncert recital në amfiteatrin e Liqenit Artificial.
Të gjithë fansat e muzikës së tij do të kenë mundësinë të dëgjojnë për disa orë hitet më të bukura të këngëtarit dhe çdo gjë është live.
Albani ka punuar për muaj të tërë që projekti të dalë siç duhet dhe aga pamjet që qarkullojnë në internet, duket se koncerti do të jetë i një niveli të lartë artistik.
Meqenëse na ndajnë vetëm pak orë nga nata e parë e koncertit, Miriami si gjithmonë shumë e kujdesshme, i ka uruar suksese publikisht nëpërmjet një postimi në Instagram.
“Sot dhe nesër hëna dhe yjet do ndriçojnë vetëm për ty. Suksese dashuria ime”,- shkruan Miriami.
Këtë herë nuk dihet nëse Miriami do të ngjitet në skenë për të performuar së bashku me Albanin, pasi ajo është në pritje të fëmijës së dytë.
