Valdrin Sahiti është një ndër emrat e njohur shqiptarë që ka marrë vaksinën anti-COVID. Ai është vaksinuar para disa ditësh dhe këtë lajm ai e ka bërë të ditur nëpërmjet një postimi në InstaStory, ku shihej teksa merrte vaksinën AstraZeneca në stadiumin “Air Albania”.
Së fundmi, ai ka reaguar në rrjetet sociale teksa ka folur për problemet shëndetësore që i janë shfaqur pas vaksinimit.
“Për të gjithë që më kanë shkruar në lidhje me vaksinimin. Po, po kaloj nëpër efektin e vaksinës, ethe, temperaturë, plogështi shumë e madhe, kokë dhimbje kjo mbase se kam kaluar COVID-19 por gjithsesi qëndroj me mendimin që çdo simptomë nga vaksina është më e arsyeshme dhe efikase sesa mos vaksinimi”, ka thënë ai.
Kujtojmë se në 2018-tën stilisti u bë baba për herë të parë. Bashkëshortja e tij Edita Ramadani, lindi një vajzë bukuroshe, Bella, që i ka zbukuruar jetën çiftit të famshëm. Bella është personi më i rëndësishëm në familje dhe duket se shumë shpejt do të marrë rolin e motrës së madhe.
Disa ditë më parë bashkëshortja e Valdrinit festoi ditëlindjen dhe me këtë rast ai ndau lajmin e gëzueshëm se ata do të bëhen së shpejti prindër për herë të dytë.
“Urime ditëlindja për dashurinë tonë të jetës… faleminderit që na don e na duron të dyve çdo ditë, me kërkesa e ankesa… e falemindert shumë që kësaj fotografie shpejt ki me ja shtu dhe një bebe. Dashnia 100”, ka shkruar Sahiti.
