Moderatorja e Top Channel, që tashmë është në rolin e opinionistes në “Top Show Mag”, Albana Osmani, ka kaluar thuajse të gjithë karrierën e saj në Top Media, ku ka qenë e aktivizuar në programe të ndryshme.
Gjithashtu edhe Ledion Liço, i cili është në pritje të fillimit të “Voice of Albania 6”, ka nisur hapat e tij të parë në programe rinore të këtij televizioni. Për të kujtuar kohët e vjetra, Albana Osmani ka publikuar në Instagram një foto të 10 viteve më parë ku ka dalë bashkë me babin Ledion.
“Grupi i Top Select duke kënduar këngën Valsi i Lumturisë, 10 vite më parë”, shkruan Albana.
Ajo ka shkrepur një moment të shkëputur nga kënga përshëndetëse e fundvitit të stafit të Top Media-s 10 vite më parë, ku Albana dhe Ledioni shfaqen së bashku duke punuar për programin e tyre.
Moderatorja e njohur ka qenë pjesë e televizionit që në fillimet e vitit 2000. Ajo erdhi në Tiranë që 13 vjeç për të vazhduar Liceun Artistik, krejt e vetme, pa mbështetjen e prindërve dhe të askujt tjetër, dhe mësoi të bënte vetë gjithçka…
“Kupid”, “Albanian Got Talent”, “Ti vlen”, “Top Fest”, “Select”, “Supermodel”, “Fiks Fare” etj., janë vetëm disa nga programet që kanë pasur protagoniste moderatoren e njohur të Top Channel, Albana Osmani.
Ajo është shumë e njohur për punën që bën në këtë televizion, por sa i përket jetës private, Albana është shprehur prej kohësh se, “ende nuk ma ka rrëmbyer dikush zemrën aq sa ta bëj publik”.
Të vetmet pëshpëritje në formën e thashethemeve për një lidhje dashurie kanë qenë ato me aktorin Blerim Destani, të cilat nuk i ka konfirmuar asnjë nga palët.
