Deputetja e Partisë Demokratike në qarkun e Tiranës, Grida Duma ka dorëzuar mandatin që mori një vit më parë në zgjedhjet e 25 prillit.
Me anë të një konferencë për shtyp nga ambientet e kryesisë së Kuvendit, Duma komunikoi vendimin e saj, duke e cilësuar si një nga momentet më të vështira, por edhe më të rëndësishmet.
Teksa Grida ka zyrtarizuar lënien e mandatit, e radhës është pyetja se kush do të jetë emri i cili do ta zëvendësojë ish-deputeten e PD-së?
Rezulton se pas Grida Dumës në listën e rezultateve të KQZ, kandidatja më e votuar për qarkun e Tiranës është Ori Nebiaj, e cila ka marrë plot 5 599 vota.
Aktualisht, Ori është e angazhuar në programin e përditshëm “Për’puthen”. Akoma është e paqartë nëse Nebiaj do ta lërë në mes karrierën e saj në televizion, për të pranuar postin e deputetes.
Mbetemi në pritje të një reagimi zyrtar nga ana e moderatores.
“Pak çaste më parë kam dorëzuar formalisht dhe zyrtarisht shkresën për lënien e mandatit të deputetes. Pas një reflektimi të gjatë, për të bërë të duhur për partinë time dhe votuesit që përfaqësoj, ky është vendimi i duhur. Mendoj se në politikë fatet individuale vlejnë të konsiderohen dhe rimendohen vetëm kur shkojnë në një kahje me fatet e njerëzve që përfaqësojmë. Më kanë goditur personalisht, jam sulmuar nga hienat.Kurrë e kundërta, megjithëse është bërë. Fati i njerëzve që përfaqësoj është misioni që zgjodha. Më e thjeshta do të ishte që të kisha qëndruar”,-u shpreh në fjalën e saj të dorëheqjes Grida Duma.
