Astrologjia ndikon çdo aspekt të jetës sonë, duke përfshirë punën, seksualitetin, deri edhe koktejin që ne preferojmë dhe se çfarë zgjedhim për të veshur në mëngjes.
Dashi
Dashi është një shenjë plot jetë, energjik dhe dinamik. Në të njëjtën kohë është shenjë e logjikshme, gjithmonë me mendtë në kokë. Kur dashurohet nuk e humbet qëndrueshmërinë, që e karakterizon dhe di të jetë pasionant.
Demi
Demi është një shenjë veçanërisht kokëfortë dhe nuk është i lumtur nëse gjërat në një marrëdhënie nuk shkojnë siç Demi e kish pasur në mendje. Në dashuri kërkon gjithmonë të mbajë kontrollin dhe pse përball kënaqësisë nuk di të rezistojë. Nëse arrini të joshni një Dem, ju sigurojmë se do të përjetoni pasione të mëdha.
Binjakët
Binjakët janë aktiv, komunikues dhe ekstrovert. Edhe pse duken sikur i marrin situatat me ironi dhe në mënyrë sipërfaqësore, fshehin anën e tyre romantike .Kur dashurohen lidhen shumë pas partnerit të tyre. Bëjnë çdo çmenduri të mundshme për të ndjekur dashurinë e jetës .E kanë të pamundur t’i bëjnë keq partnerit dhe pse nuk duket.
Gaforrja
Shenja më romantike e horoskopit. Kur dashurohet, dashurohet thellësisht, kërkon dashurinë e jetës, njeriun që e bën të ndihet i realizuar. Në të njëjtën kohë është i kujdesshëm dhe i rezervuar, marrëzitë për dashurinë i ka më të dëgjuar.
Luani
Luani është një lider i lindur, energjik, i fortë dhe karizmatik. Nuk ka asnjë problem për të gjetur dashurinë. Në një marrëdhënie është i drejtë dhe i jep parterit/res hapësirën e duhur. Xheloz dhe posesiv, por dinë t’i fshehin shumë mire këto karakteristika
Virgjëresha
Virgjëresha është një shenjë e arsyeshme dhe në shikim të pare duket e ftohtë në dashuri. Në fakt, ka një personalitet të pambrojtur dhe të veshur me një “predhë” nga frika. Kjo është një shenjë e vështirë për ta deshifruar, por që di se si të dashurojë thellë.
Peshorja
Peshorja di shumë mire se çfarë kërkon nga jeta, kjo gjë vlen edhe në aspektin e dashurisë. Kur rrjedha e marrëdhënies nuk shkon mire, peshorja nuk vetëmjaftohet me gjëra të vakëta dhe nuk ka frikë ta mbyllë një lidhje. Peshorja arrin shumë shpejt të krijojë një lidhje të re, por nuk përkushtohet nëse nuk është vërtetë e dashuruar.
Akrepi
Sensualiteti, hijeshia dhe pasioni i Akrepit i bëjnë të gjithë të dashurohen, edhe kur atij/asaj nuk i bie ndërmend për dashurinë. Tipat që i përkasin shenjës së Akrepit pëlqejnë dramat dhe kontrastet në një lidhje. Ata mërziten shumë shpejt me histori që bien pre e rutinës. Kur gjejnë dashurinë e jetës pasionohen dhe hyjnë me gjithë veten e tij pa rezerva.
Shigjetari
Shigjetari është një shenjë që përfaqëson shpirtin e lirë, komunikues, dëshiron që çdo eksperiencë të jetës t’i ngjajë një udhëtimi, e njëjta gjë vlen dhe për dashurinë. Shigjetari ndjek gjithmonë zemrën, dashuron njerëz të ndjeshëm, inteligjentë me të cilët mund të qëndrojë zgjuar netë të tëra duke folur dhe filozofuar.
Bricjapi
Bricjapi është shumë racional dhe mbi të gjitha dembel. Kjo është arsyeja që nuk i zgjat lidhjet nëse nuk i duken të rëndësishme. I shikon thjesht si humbje kohe. Impenjohet vetëm me atë që konsideron dashurinë e jetës, me të cilën ëndërron një jetë të qetë, komode dhe krijimin e një familjeje.
Ujori
Ujori karakterizohet nga pasioni dhe ka një zemër të madhe. Dashuria e saj/tij shprehet me përkushtim total ndaj partnerit/es. Një shenjë që shkon në kërkim të dashurisë së nxehtë dhe ekstreme. Nëse nuk e gjen, vazhdon të gëzojë lirinë.
Peshku
Peshqit janë ëndërrimtarët e përjetshëm. Ndjeshmëria, mirësia dhe besnikëria janë dhurata ideale që u ofrojnë partnerëve të tyre. Njerëzit e lindur në këtë shenjë e adhurojnë dashurinë në të gjitha format. Frika e tyre më e madhe është të jetojnë pa këtë ndjenjë gjithëpërfshirëse, e vetmja që i jep kuptim jetës.
