Surpriza më e madhe e Oscar këtë vit, ishte aktori i vogël indian, Sunny Pawar, i cili është ylli i filmit ‘Lion’. 8-vjecari fitoi ndër 2000 fëmijë që konkurruan, për të luajtur rolin e Dev Patel.
“Ata më zgjodhën se pamja ime përshtatej me atë të Dev Patel dhe menduan se mund të aktroj natyrshëm”, tha ai për BBC.
Sunny ka bërë foto me shumë yje të Hollywood, të cilët nuk i njeh. Ai tha: “Shumë njerëz erdhën të më takonin por në fakt nuk e di se kush janë.”
Djaloshi jeton në një apartament të vogël në Mumbai me 4 anëtarët e familjes së tij. I vetmi që e ka parë filmin është babai i tij, ndërkohë që pjesëtarët e tjerë të familjes po presin që ta shohin.
“Jam shumë krenar nga performanca e djalit tim në këtë film. Nuk e imagjinonim kurrë që ai do të shkonte në tapetin e kuq e do të bëhej kaq i famshëm”, tha babai i tij, Dilip Pawar.
