Një Youtubere e quajtur Cara Nicole ka shpjeguar me detaje teorinë e saj “Si arrijnë markat luksoze të na mbajnë të varfër” dhe video po bën xhiron e rrjetit,
Ajo tregon sesi njerëzit janë të gatshëm të shpenzojnë shuma të mëdha parash nga xhepi i tyre për markat e stilistëve, për shkak të mënyrës se si duan të perceptohen nga të tjerët.
“Ne kërkojmë statusin social që nga ajo që veshim, ku shkojmë në shkollë e deri te çantat që mbajmë. Ne duam të perceptohemi si njerëz me status të lartë, veçanërisht status më të lartë se ata që na rrethojnë. Bota e markave të stilistëve, nga Louis Vuitton te Rolex, është ajo ku statusi social arrihet thjesht përmes konsumit dhe shpenzimeve. Është një sistem që lehtësisht mund t’ju mbajë të varfër nëse nuk jeni të kujdesshëm”, shprehet ajo.
Nicole shpjegon se pavarësisht çmimeve të larta, këto marka të stilistëve synojnë më shumë të varfrit, ose ndryshe “njerëzit që duan të duken të pasur”.
Njerëzit e klasës së mesme dhe të ulët që nuk kanë aq shumë para apo kursime, janë buka dhe gjalpi i markave të stilistëve.”
Bill Gates, Melinda Gates, Mackenzie Scott, Melanie Perkins, Mark Zuckerberg, Whitney Wolfe Herd dhe Steve Jobs janë personazhe të njohur që pavarësisht statusit apo parave që zotërojnë, paraqiten shumë të thjeshtë në publik.
“Ajo që shpresoj është që kjo të na ndihmojë të mendojmë pak më ndryshe për markat e stilistëve dhe mënyrën se si i shpenzojmë paratë tona. Paratë janë kohë dhe mendoj se është gjithmonë një ide e mirë të reflektojmë se si po i shpenzojmë të dyja.”
