Trashëgimtarja e “Top Channel”, Sara Hoxha dhe moderatori i njohur Ledion Liço, shumë shpejt do të bëhen prindër për herë të dytë.
Sara është në muajin e shtatë të pritjes së ëmbël dhe pas London-it, do të bëhet sërish me djalë.
Më herët, ajo ka rrëfyer se e ka menduar emrin e të voglit që para se të ngelte shtatzënë dhe ka thënë se do të jetë sërish një emër i një qyteti të njohur europian.
Vazhdimisht në Instastory ajo ka qëndruar në kontakt me ndjekësit, duke ndarë ecurinë e shtatzënisë së saj.
Ditën e sotme, Sara ka rrëfyer se prej muajsh ka vuajtur nga ndjenja e mendime shqetësuese në lidhje me format e saj trupore pas lindjes.
“Pas lindjes, është egoizëm të kujdesesh për trupin tënd?”- ishte titulli i një videoje e cila mesa duket e ka ndihmuar Sarën t’i largojë mendimet që e shqetësonin prej muajsh.
“Pas muajsh me mendime e ndeja shqetësuese, pashë këtë sot dhe ndihem pak më mirë.”- shkruan Sara krahas postimit në Instastory, duke ndarë me të gjithë përjetimet e saj gjatë pritjes së ëmbël.
Më herët, Sara tregoi në një mini-intervistë në Instastory se kishte shtuar 9 kilogramë gjatë 7 muajve të shtatzënisë.
Urojmë që muajt e mbetur të shtatzënisë të shkojnë siç duhet dhe sa më shpejt të shohim bebushin e tyre numër dy!
