Prof. Dr. Milazim Krasniqi, babai i aktores shqiptare, Teuta Krasniqi, ka treguar nëpërmjet një postimi në “Facebook” se është shtruar në spital bashkë me bashkëshorten, zonjën Edibe, si pasojë e infektimit me Covid-19. Ai ka rrëfyer se pas disa ditëve trajtim në banesë ndaj virusit, rekomandim të ekipit mjekësor, ata po marrin specializim të mëtejshëm në spital.
“Te respektuar miq, pas disa dite trajtimi ne banese nga covid 19, sonte Edibja dhe une u shtruam ne spital. Po shpresojme ta kalojme me sukses kete sprove te rende. Ndihma qe mund te beni per ne eshte vetem duaja juaj, ne kete muaj te shenjte. Falemnderit”, ka shkruar babai i aktores në status.
Kanë qenë të shumtë miqtë dhe të afërmit të cilët i kanë uruar çiftit shërim sa më të shpejtë.
“Miq, u falenderojme per interesimin e lutjet tuaja. Kerkoj mirekuptim sepse nuk kam mundesi t’u pergjigjem individualisht. Trajtimi mjekesor e pamundeson. Falemnderit, te gjitheve”, ka shkruar Milazimi si falenderim ndaj mijëra komenteve dhe e msazheve që ka marrë.
Së fundmi, Teuta Krasniqi ka emocionuar të gjithë teksa ka ndarë me ndjekësit e saj në “Facebook” një foto nga karantina e vitit të kaluar kur Tara dhe Kaia komunikonin me gjyshërit përmes lidhjes online me video.
“Para një viti me mall, tash edhe me më shumë mall…”, është shprehur Teuta krahas fotos.
