Mjeshtri i shumë prej kolonave zanore më të famshme në mbarë botën, Ennio Morricone, ka mbyllur sytë përgjithmonë në moshën 91-vjeçare.
Fituesi i një çmimi “Oscar”, i cili gjithashtu ka bërë kolonën zanore të ” ‘Days of Heaven,’ ‘The Mission,’ ‘Cinema Paradiso’ dhe ‘The Hateful Eight’, ndërroi jetë në shtëpinë e tij në Romë.
Morricone kishte prej disa kohësh ndërlikime me shëndetin e tij, pasi ishte rrëzuar duke thyer kockën e femurit.
Instrumenti i parë i kompozitorit italian, i cili ka krijuar kolonën zanore të më shumë se 500 filmave, ishte boria.
I njohur si “Maestro”, ai mori një Oskar nderi në vitin 2007 (i paraqitur nga Clint Eastwood) për “kontributet e tij madhështore dhe të shumëanshme në artin e muzikës së filmit”, si dhe mori 11 çmime “David di Donatello”.
“Të gjitha llojet e tingujve mund të jenë të dobishme për të transmetuar emocione … është muzika e përbërë nga tingulli i realitetit,” ka deklaruar më herët mjeshtri i madh i muzikës.
