Premiera e shumëpritur e filmit “Batman 2” është shtyrë për herë të tretë dhe tani është konfirmuar zyrtarisht se do të zhvillohet në fillim të tetorit 2027. Fillimisht ishte planifikuar që filmi të dilte më 2 tetor 2026, por ky datë do të jetë rezervuar për një tjetër projekt të madh – një film i ardhshëm i regjisorit Alejandro G. Iñárritu me Tom Cruise, i cili ende nuk ka një titull të përcaktuar.
Kjo shtyrje ka shkaktuar pakënaqësi tek shumë fansa të “Batman”, të cilët janë shprehur të zhgënjyer në rrjetet sociale. Shumë prej tyre kanë komentuar për këtë vonesë të gjatë, duke shprehur shqetësimin se interesi për filmin po humbet.
“Do ta shohim ndonjëherë atë Batmanin tjetër?”, pyeti një përdorues në Twitter. Komentet e tjera ishin më kritike: “Kjo është absurde. Po e humb interesin për këtë film gjithnjë e më shumë”, “Duket se duan që ne të humbasim interesin për të”, dhe “Është çmenduri që duhet të presim pesë vjet për një vazhdim”.
