Jeanne Lanvin lindi në Brittany, Francë në 1867-n. Ajo ishte më e madhja e 10 fëmijëve. Në moshën 16-vjeçare u bë një kapelëshitëse në “Félix”, Paris. Më vonë u trajnua si fustanbërëse në “House of Talbot”. Në vitin 1890, Jeanne Lanvin hapi një dyqan të vetin në Paris. Pas suksesit të saj, në 1907-ën ajo u bë konsulente në Manchester të Anglisë. Duke pasur një dhunti për “couture”, Lanvin filloi të qepte fustane të bukura për motrën më të vogël dhe vajzën e saj, Marguerite. Veshjet tërheqëse që kishin nënë e bijë patën kërkesa të mëdha nga nëna të tjera për të krijuar veshje edhe për to.
E ndërsa reputacioni rritej, braktis dyqanin e saj dhe u përqendrua në krijimin dhe shitjen e veshjeve të klasit të lartë. Jeane në 1909-ën u bashkua në “Syndicat de la Couture”, në këtë mënyrë vendosi statusin zyrtar si një “couturier”. Mme Lanvin u bë një nga dizenjueset më impresionuese dhe me influencë në vitet 1920-1930. Ajo dizenjoi veshje për mbretëreshën e Italisë dhe Rumanisë, princeshën e Anglisë, veshi aktore të famshme si Marlene Dietrich, Mary Pickford dhe Yvonne Printemps.
Lanvin u bë e njohur për inovacionin që solli në modë, sikurse dhe për finesën në punët e saj. Kur i duhej të konceptonte një mantel, mendohej gjatë të zgjidhte pëlhurat, ngjyrat, teknikat e formave dhe zbukurimet me të cilat ajo do të vinte në pah feminilitetin, bukurinë dhe freskinë e një femre.
Ajo donte të përdorte pëlhura të buta, fluente si byrynxhyk, dantella, mëndafsh, tyl dhe saten për fustanet e saj. Për veshje më të forta dhe elegante ajo përdori pëlhura luksoze si brokadën, kadifenë dhe tekstilin e arit dhe argjendit. Ajo kuptoi magjinë e ngjyrave dhe solli në jetë një veshje me bashkimin e dy nuancave të pastelit dhe boldit, kryesisht hije të ngjyrës pink dhe hije të blusë e cila u bë e njohur si “Lanvin Blue”.
Dizajni:
Verë,1939 fustan mbrëmjeje
“La Diva”, fustan mbrëmjeje, dimër 1935-1936
Mme Lanvin njihet për stilin e saj modern dhe pamjen rinore që i dha femrave lirinë e të lëvizurit, specifikisht e afirmuar për stilin e saj “robe de style,” “the chemise” dhe “empire dresses” dhe “the breton suit”. Gjithashtu eksperimentoi në dizenjimin e veshjeve sportive dhe aksesorëve.
Dimër, 1924-1925
“La Cavallini”, fustan mbrëmjeje me perla, kristale dhe pjesëza metalike, 1925
Haute Couture, 1937
1929, mëndafsh me kristale “Swarovski”
Shtëpia “Lanvin”
“Lanvin” është shtëpia e modës më e vjetër në botë. Që në fillimet e saj në 1890-ën ka ngelur në pronësi të familjes Lanvin deri në vitin 1990. Që pas kësaj kohe, kjo shtëpi ka kaluar në disa pronësi.
Nën mbikëqyrjen e Mme Lanvin u hapën disa degë në Nice, Cannes dhe Biarritz dhe shkoi drejt një numri të madh degësh. Në 1920-ën, dyqanet e hapura filluan të shisnin peliçe, të brendshme dhe veshje sportive. Me përfshirjen e sektorit të meshkujve në 1926-ën, shtëpia e ngriti veten në vend të parë si shtëpia e parë “couture” që veshi të gjithë familjen.
“Houte Couture Lanvin” edhe sot dominon. Ne po ju paraqesim disa nga më të mirat e koleksionit për pranverë-verë 2015.
