Shtëpia e Bardhë publikon përgjigjen e analizës së Donald Trump për Koronavirusin

Presidenti i Shteteve të Bashkuara të Amerikës, Donald Trump, ishte tepër i ekspozuar ditët e fundit ndaj rrezikut për t’u infektuar me Covid-19.

Në aktivitetet e tij zyrtare, ai pati kontakte me shumë persona që rezultuan të infektuar me Koronavirus, pasi shtrëngoi duart me secilin prej tyre.

Lexo edhe :

Qyteti i Nju Jorkut përballet me të ftohtë ekstrem: Temperatura më të ulëta se në Antarktidë

22:31 08/02/26

E trishtë! Ndahet nga jeta babai i këngëtarit të njohur

22:04 08/02/26

Për këtë arsye, Trump iu nënshtrua një testimi për të parë nëse është prekur nga kjo epidemi.

Rezultatin e analizës së tij e ka bërë të ditur Shtëpia e Bardhë, e cila njofton se presidenti ka rezultuar negativ ndaj Covid-19.

Rezulton se gjatë kontaktit të Trump me personat tashmë të infektuar, ata ende nuk kishin shfaqur shenja të epidemisë dhe infektimi i tyre ka ndodhur më vonë.

Për shkak të pandemisë së Koronavirusit, dy ditë më parë presidenti i SHBA-së deklaroi gjendjen e Emergjencës Kombëtare.