Shqipëria është i vetmi vend me të cilin kosovarët aktualisht kanë mundësinë e lëvizjes lirshëm dhe pa pengesa.
Për këtë qëllim ata ashtu si të tjerat, edhe këtë fundjavë kanë nisur që në orët e para të mëngjesit, zbarkimin me automjete drejt Shqipërisë.
Pas dyndjes në doganën e Morinit në Kukës, duket se destinacioni i tyre janë Durrësi, Tirana por edhe qytetet bregdetare të Jugut të vendit.
Pika kufitare e Morinës ka pasur një fluks të lartë mjetesh duke krijuar edhe radhë të gjata. Policisë kufitare e Morinës ka konfirmuar se deri në orën 9 të mëngjesit, kanë kaluan rreth 1700 automjete dhe rreth 4700 qytetarë të Kosovës drejt Shqipërisë.
Vet Kosova, javën e fundit ka shtuar masat parandaluese ndaj Covid-19, si pasojë e një rritje të numrit të infektimit. Ndërkohë, ditën e sotme është raportuar një numër i lartë automjetesh që janë drejtuar nga Kosova drejt Shqipërisë, për të kaluar fundjavën.
Sipas mediave të Kosovës, pika kufitare e Morinës ka pasur një fluks të lartë mjetesh duke krijuar edhe radhë të gjata. Duke qenë se kjo fundjavë do të kishte diell, mijëra qytetarë nga Kosova kanë zgjedhur të kalojnë fundjavën në Shqipëri, duke përfituar edhe nga koha e mirë.
Shqipëria i vetmi destinacion i lirë
Duke përfituar që në vendin tonë masat kufizuese për pandeminë janë disi më të lehta, krahasuar me ato që ka marrë qeveria e Kosovës, shqiptarët e këtij vendi kanë zgjedhur pikërisht si destinacion fundjave, Shqipërinë.
Ata janë mësuar me turizmin tonë dhe i njohin mirë edhe destinacionet dhe shërbimet që ofohen në shumë zona të Shqipërisë. Nisur nga kjo kosovarët ndjehen mjaftë komod këtu, por edhe nuk u duhet që të përshkojnë një distancë shumë të gjatë.
Megjithatë janë të shumtë ata që mendojnë se flukset e kosovarëve në fundjava, mund të jenë edhe një rrezik i shtuar i përhapjes së virusit Covid-19, ku edhe pse Kosova e frenuar disi, Shqipëria e ka ende të lartë numrin e të infektuarve.
Që prej fillimit të pandemisë në Kosovë janë regjistruar 41.777 raste pozitive, ndërsa 1073 persona kanë humbur jetën. Ndërsa raste aktive të infektimit janë 13 mijë e 561.
Shqiptarët e Kosovës, ‘serumi’ i turizmit shqiptar
Operatorët turistik shqiptar dhe sidomos ata të hotelerisë mesi i presin në fundjava pushuesit nga Kosova. Ata i konsiderojnë shqiptarët e Kosovës si “serumi” apo “antivirusi” që arriti të mbajë pa falimentuar turizmin në Shqipëri.
Dhe shifrat zyrtare të lëvizjes së shtetasve tregojnë qartë se këtë vit 62% e të totalit të hyrjeve në vendin tonë, në muajin gusht, ishin nga Kosova.
Sipas INSTAT, në gusht 2020, hynë në vendin tonë mbi 356 mijë shtetas nga Kosova, nga 575 mijë në total.
Ndërkohë që një vit më parë, nga Kosova, vetëm në gusht hynë mbi 781 mijë shtetas dhe që përbënin 51.1% të totalit të shtetasve që kishin hyrë në gusht 2019 në vendin tonë.
Sa i takon bilancit 8-mujor, shtetasit nga Kosova, përbëjnë 49.2% të hyrjeve në vend, ndërkohë që një vit më parë përbënin 37.7% të totalit të hyrjeve në janar-gusht 2019.
/Iconstyle.al/
