Arbnora Fejza Idrizi synon të thyejë një tjetër rekord botëror. Artistja nga Kosova ka realizuar një mozaik me rastin e festave të 28-29 Nëntorit, i përbërë nga 120 mijë origami dhe përfaqëson flamurin kombëtar.
I ndërtuar në Skënderaj të Kosovës, mozaiku zë një sipërfaqe prej 1300 metrash katrorë.
Në një intervistë Arbnora ka treguar se ndonëse ka kërkuar ndihmë nga ‘Ministria e Kulturës’ në Shqipëri, përmes një emaili ata e kanë njoftuar se fondet e këtij viti janë ezauruar dhe se do ta mirëpresin një herë tjetër projektin e saj.
Megjithatë falë këmbënguljes së saj dhe mbështetjes së ‘Ministrisë në Kosovë’ ajo ka vazhduar me projektin duke realizuar sot këtë kryevepër.
Arbnora Fejza Idrizi synon të hyjë në librin e rekordeve “Guinness” për mozaikun më të madh të origami në botë. Kujtojmë që Arbnora ka hyrë edhe më herët në librin e rekordeve Guinness pasi realizoi mozaikun më të madh origami në botë me flamurin e Kosovës.
