Ditët e sotme si 28 dhe 29 Nëntori na bëjnë gjithmonë të ndihemi krenarë për origjinën tonë shqiptare. Por mbi të gjitha krenarë na bëjnë ata persona që ngritën lart imazhin dhe emrin e popullit tonë. Figurat, fama e të cilëve kaloi kufijtë shqiptarë, treguan anën që bota nuk njihte për ne, atë heroike, humaniste dhe artistike.
Heroi kombëtar, Gjergj Kastriot Skënderbeu dhe humanistja e njohur në të gjithë botën, Nënë Tereza, do të mbeten emrat më të rëndësishëm të popullit shqiptarë.
Por vitet e fundit, shumë të rinj shqiptarë jashtë kufijve arritën që të na jepnin dinjitet dhe vëmendje në sytë e botës.
Ja disa nga lista e gjatë e shqiptarëve që na bënë krenarë për origjinën me gjestet dhe talentin e tyre:
Rita Ora, Bebe Rexha dhe Dua Lipa – këngëtare
Tre këngëtaret e bënë publike që në fillim të karrierës origjinën e tyre duke bërë krenarë çdo shqiptar. Pavarësisht se të reja në moshë ata arritën t’i tregonin botës se mund t’ia dilnin.
Era Istrefi – këngëtare
Hiti i saj “Bon Bon” pushtoi botën dhe e futi në listën e shqiptarëve më të famshëm. Kujtojmë se ajo performoi në Kampionatin Botëror të Futbollit, në Rusi, krah Will Smith dhe Nicky Jam më 15 korrik.
Eliza Dushku – aktore, SHBA
Aktorja, e cila luajti përkrah Robert de Niro-s dhe Leonardo Di Caprio-s në filmin “Historia e një djali”, është me origjinë shqiptare dhe e ka vizituar shpesh atdheun e saj.
Emina Cunmulaj – modele, SHBA
Supermodelja me origjinë shqiptare, Emina Cunmulaj, është shpallur ylli më i ri i revistave si, “Elite”,“Vogue”, etj. në SHBA. Ajo ka treguar se nuk i karron asnjëherë rrënjët shqiptare, pasi flet shqip, bën gatime shqiptare dhe u vjen shpesh në ndihmë familjeve shqiptare.
Ilir Shaqiri – balerin, Itali
Balerin i famshëm shqiptar është bërë shumë i njohur në Itali, ku edhe ka një qendër për kurs baleti.
Kledi Kadiu – balerin, Itali
Balerin shqiptar me famë në Itali, ku ka marrë dy çmime si “Balerini më i mirë i Vitit” në evente të ndryshme.
Tedi Papavrami – violinist, Francë
I lindur në Tiranë, ai studio në konservatorin kombëtar “Superieur de Musique” në Paris. Tedi Papavrami ka interpretuar në Evropë, Afrikën e Jugut, Turqi, Japoni, Izrael, me orkestra të njohura si Orchestra di Bologna, Bamberger Symphoniker,etj
Erald Dervishi – kampion botëror shahu
I lindur në Durrës, ai është nga kampionët që hyri në historinë botërore të shahut.
Saimir Pirgu – tenor
Saimir Pirgu u bë shpejt i njohur si tenor, duke fituar disa çmime në Itali. Ai ka nisur prej vitesh debutimi në role të rëndësishme që e çojnë artistin e ri të bashkëpunojë rregullisht me teatrot më të mëdha të operës në mbarë botën, nën drejtimin e dirigjentëve më të rëndësishëm të saj.
Lorik Cana – futbollist
Ai ka luajtur në klube europiane ku ka dhënë kontributin e tij në kohë të ndryshme, si te Lazio, Galatasaray apo Marseille.
Agim Kaba – aktor, SHBA
Shumë pak e dinë se djaloshi simpatik që ka luajtur në telenovelën “Ndërsa bota rrotullohet”, është me origjinë shqiptare.
Nik Xhelilaj, aktor
I lindur ne Tirane ne vitin 1983, debutimin e parë në ekranin e kinemasë e pati në vitin 2008 me filmin “Trishtimi i Zonjes Shnajder”. Por filmi dramatik mbi plagët e emigracionit, me titullin “Shqiptari”, të regjisorit Johanes Naber, ku Xhelilaj është dhe protagonist, e solli atë në “Shooting Star”, duke e bërë aktorin e parë shqiptar që arrin këtë sukses.
Vitin e kaluar ai u shpall një nga 10 aktoret e rinj më të mirë europian të momentit, ndërkohë që është i ftuar në eventet më të rëndësishme.
Ermal Meta – këngëtar
Karriera e tij nisi në Itali dhe tërhoqi menjëherë vëmendjen, ndërsa vjet u vlerësua me çmimin “MTV AMAs”. Këtë vit ai fitoi festivalin e muzikës italiane “Sanremo”, ndërsa mori dhe pjesë në “Eurovision”.
Futbollistët shqiptarë që luajnë për shkuadrat e huaja:
Valon Behrami
Xherdan Shaqiri
Granit Xhaka
Admir Mehmedi
Modelet:
Adrola Dushi
Xhesika Berberi
Arselajda Buraku
Burimi: Iconstyle.al
