Shqiptarët e Kosovës janë solidarizuar me vëllezërit e tyre në Shqipëri, që po vuajnë pasojat e tmerrshme të tërmetit 6.4 ballësh që ra në orët e para të mëngjesit.
Në mbledhjen e jashtëzakonshme të Qeverisë së Kosovës, kryeministri në detyrë, Ramush Haradinaj deklaroi se Shqipërisë do t’i jepet një ndihmë prej 500 mijë eurosh për dëmet e shkaktuara nga tërmeti.
Të paktën 13 persona kanë humbur jetën dhe më shumë se 600 të tjerë janë plagosur. Dhjetëra familje kanë mbetur pa shtëpi dhe kushte të sigurta jetese.
Tërmeti i fuqishëm dhe pasojat fatale që ka sjellë, kanë sensibilizuar edhe shtetin fqinj, Italinë. Një grup i specializuar në kërkim-shpëtim, është mobiluar dhe po niset drejt Shqipërisë për të ndihur qytetarët e prekur.
Gjithashtu janë solidarizuar biznese të shumta shqiptare dhe partnerë të tyre në Itali, për t’iu ardhur në ndihmë njerëzve të prekur nga tërmeti.
https://www.instagram.com/p/B5VBD2xgTtL/
