Pak muja më parë, Shqipja publikoi një foto të vjetër të Andit në të cilën shihej duke e puthur një vajzë në faqe dhe ish-konkurrentja e ‘Për’puthen” pretendonte se vajza në fjalë ishte Tea. Ky imazh bëri shumë bujë dhe Shqipja deklaroi se Andi me Tean njiheshin kohë më parë me njëri-tjetrin e madje kanë qenë të lidhur.
Mirëpo Andi i hodhi poshtë aludimet e ngritura nga Shqipja dhe tha se vajza në foto nuk ishte Tea, por një person tjetër që ka qenë në jetën e tij. Edhe Tea tha të njëjtën gjë dhe konfirmoi se ajo nuk është njohur më herët me Andin.
Pas këtyre fjalëve Shqipja qëndroi e qetë, mirëpo sot ajo i është rikthyer sërish kësaj çështjeje. Ajo ka publikuar në Instagram provën e fundit për të vërtetuar se vajza në foto ka qenë Tea dhe jo dikush tjetër. Duke qenë se në profil ishte e vështirë të dallohej se cila ishte vajza, Shqipja ka publikuar një foto portret të vjetër të Teas për të treguar se ajo ka qenë realisht në foton me Andin. Duket se Tea dhe vajza që shfaqet në foton me Andin kanë të veshur të njëjtën bluzë, një provë më shumë që mund të dëshmojë njohjen e dyshes në të shkuarën.
Shqipja ka postuar edhe një video të shkëputur nga emisioni, kur Fation Kuqari e quante mashtruese dhe me këtë rast ka sulmuar edhe atë.
“Uroj që produksioni ta shohi këtë foto meqë e donin përballë se në profil nuk e dalluan dhe mos të më akuzojnë mua se gënjej. Se herën e parë nuk reagova. Të ishe siguruar mirë para se të më thoje mua mashtruese Fation Kuqari”, ka shkruar Shqipja përkrah postimit.
Ndërkohë sot Shqipja publikoi edhe disa foto të tjera, duke pretenduar se lidhja e vërtetë në prapaskenat e emisionit është mes Teas dhe Beartit, konkurrentit të larguar disa javë më parë. Madje, ajo ka publikuar edhe foto ku Tea shfaqet e veshur me bluzën e Beartit, teksa shkruan:
“Tea, shkove ti në Kosovë e more bluzën? Apo erdhën ta sollën këtu? Dhe ti e di miiiirë për kë dhe çfarë bëhet fjalë. Dhe mos u argumentoni me fjalë të kota gjasme e dinit për voice-n që unë do hidhja, sepse unë nxjerr dhe materiale që s’jua merr mendja kurrë që unë i kam, apo jo Andi?”
“Për këdo që ka dyshime, çifti i vërtetë prapa skenave, por nuk dua të nxjerr foto private. Meridian Ramçaj bëhu gati, sepse sot ka diçka të lezetshme, do i griset vello nuses.”- shkruan Shqipja.
