Këto ditë në Sant’Anton të Austrisë, po zhvillohet eventi për garën e Kupës së Botës në ski dhe një vajzë na ka bërë krenarë të gjithëve!
Lara Colturi, e cila përfaqëson Shqipërinë në këtë garë, ka arritur sukses të jashtëzakonshëm duke e merituar vendin e parë dhe titullin e lartë të Kampiones së Botës për të reja.
Dy ditë më parë, Lara Colturi u rendit e katërta në kategorinë Down Hill, të cilën e zhvillonte për herë të parë në karrierë dhe kampione bote për moshën deri në 18 vjeç. Ditën e shtunë, sportistja shqiptare merr pjesë në garën e fundit të kategorisë Giant Slalom, që është edhe sfida e tretë për këtë javë Botërore në Austri.
Fitorja e Laras është edhe një sukses i madh për sportin shqiptar, ku nuk është praktikuar ose është praktikuar shumë pak ky sport.
Lara Colturi ka lindur më 15 Nëntor të vitit 2006, vajza e ish-kampiones olimpike Daniela Ceccarelli dhe trajnerit të skive Alessandro Colturi.
Prindërit e saj u ndanë me Federatën Italiane të Skive për faktin se kjo e fundit nuk i lejoi ata të krijonin një ekip privat trajnimi dhe të planifikonin në mënyrë autonome programin e saj të garave në qarqet ndërkombëtare të garave FIS. Ndarja u zyrtarizua në maj të vitit 2022, kur vajza zgjodhi të ndërrojë kombësi dhe duke u mbështetur në federatën shqiptare më në fund mund të zgjidhte se ku do të garonte dhe të konkurronte përballë nivelit maksimal të skiatorëve profesionistë. Në të njëjtën kohë, nëna e saj emërohet trajnere e kombëtares shqiptare të skive alpine.
