Shumë shpejt, në ekranet shqiptare do të nisë transmetimin emisioni “Stend-Ap”, si rezultat i 24 emisioneve që janë realizuar deri më tani.
Sipas “Telegrafit”, emisioni do të ketë formën e “betejës” në komedi dhe në të do të garojnë pjesëmarrës nga Shqipëria, Kosova dhe Maqedonia.
Secili shtet do të ketë nëntë përfaqësues dhe në përfundim të garës do të përzgjidhen tre fitues nga secili vend.
Vlerësimi për çdo konkurrent do të jepet nga juria e cila do të përbëhet nga Dardan Islami-Kosovë, Visar Etemi- Maqedoni, dhe një emër shqiptar i cili ende nuk është bërë i ditur për publikun.
Temat që do të trajtohen do të jenë të veçanta dhe emisioni i ri i cili është një risi, do të transmetohet në Shqipëri, Kosovë dhe Maqedoni.
