“Shqipëria po i mban shpresat te Eugent Bushpepa këtë vit, në festivalin e “Eurovision”-it. Këngëtari u zgjodh nga një juri profesioniste për të konkurruar në Lisbonë”.
Kështu e nis shkrimin prestigjiozja “The Sun”, e cila bën një përmbledhje të jetës së këngëtarit shqiptar, me gjërat që njerëzit nëpër botë duhet të dinë për të.
Fillimisht, revista online jep një biografi të shkurtër të Gentit, më pas tregon rrethanat në të cilat këngëtari nga Rrësheni konkurroi në “Eurosong”.
“Bushpepa konkurron në vitin e 15-të të pjesëmarrjes së Shqipërisë dhe u zgjodh nga një juri profesioniste, duke mundur një sërë këngëtarësh të suksesshëm në Festivalin e Këngës”, shkruan “The Sun”.
Gjithashtu media jep detaje lidhur me këngën që Bushpepa do të performojë, e cila është shkruar nga vet ai dhe do të këndohet në gjuhën shqipe.
Burimi: The Sun
