Me kalimin e ditëve dhe orëve, familja e Wanda Narës po bëhet ‘aktive’ pas momentit delikat që po përjetojnë. Mauro Icardi publikoi në rrjetet e tij sociale postoi një mesazh delikat, por të fortë, i cili tregon mbështetje të fortë për gruan e tij.
Sulmuesi aktual i Galatasaray nuk iu referua drejtpërdrejt shëndetit të nënës së dy vajzave të tij, por mjaftuan vetëm një emoji që shpreh dashurinë e tij dhe një sërë fotosh me të që janë pjesë e galasë së çmimeve Martín Fierro mbajtur të dielën e kaluar, ku Wanda doli fituese.
Ditët e fundit ka shkaktuar bujë lajmi për shtrimin urgjent të Wandës në spital. Kjo është arsyeja pse Mauro Icardi e shoqëron në çdo moment dhe në orët e fundit do të duhet të vendosë nëse do të qëndrojë në vend apo do të kthehet në Galatasaray.
Sipas “La Nacion”, Narës iu desh të pezullonte një udhëtim familjar që kishte planifikuar në Evropë, në Milano. Shkak për shtrimin në spital do të ishin dhimbjet e forta të barkut. Meqenëse testet zbuluan një nivel të lartë të qelizave të bardha të gjakut, Wanda iu nënshtrua një serie kontrollesh të mëvonshme më të sakta, rezultatet e të cilave priten të publikohen.
