Kim Kardashian ka qenë në qendër të vëmendjes këto ditë me shfaqjen e saj në Javën e Modës në Milano. Ylli televiziv mahniti të gjithë me veshjet e saj, një ndër to ishte edhe një fund dhe një crop i kuq i mbuluar me gurë.
Në prapaskenën e shfaqjes së Dolce & Gabbana gjatë Javës së Modës në Milano, themeluesja 42-vjeçare e “Skims” foli për “Vogue” pikërisht për këtë krijim, ku u shpreh se do të donte që një ditë vajzat e saj ta vishnin në mbrëmjen e maturës.
“Kjo pamje do të hyjë në arkivin tim të Dolce & Gabbana që shpresoj që fëmijët e mi të duan ta veshin një ditë. Shpresoj që North dhe Chicago, ato mund ta veshin këtë në festën e maturës, ato mund ta veshin këtë në një kërcim në shkollë, ato mund ta veshin atë në çfarëdo që të duan”, tha ajo në një TikTok të postuar nga revista.
Këtë deklaratë të Kim fansat nuk e pritën aspak mirë, duke e konsideruar veshjen e saj si shumë të ekzagjëruar për ta veshur në një mbrëmje mature apo festë në shkollë.
Një ndjekës komentoi duke thënë se fëmija i madh i Kardashian do të tmerrohej nga sugjerimi, duke shkruar: “Lol North nuk është e interesuar të vishet si Kim”.
Marrë parasysh që North si në paraqitje dhe në stil, anon më shumë nga babai i saj Kanye West.
