Fillimisht: Blini një rrip plastiku (një tub suste, pipëz apo gomë) dhe sigurohuni të jetë i përthyeshëm për masën e karikuesit. Nëse nuk gjeni një të tillë, atëherë ngrohni një tub dhe lëreni të ftohet për t’i dhënë formën që duhet. Gjithashtu ju duhet edhe të prisni tubin në gjatësinë 10 – 15 cm.
Më pas: Sigurohuni që gjerësia e tubit të kalojë lehtësisht pjesën e karikuesit për t’u puthitur më pas në të. Pjesa më e rëndësishme është midis vendit ku karikohet dhe vazhdimit të telit (aty ka më shumë mundësi të këputet). Pasi të keni vendosur tubin tuaj elastik rreth telit, ngroheni atë shumë pak për të qenë të sigurtë se do të qëndrojë aty. Mos e mbani afër zjarrit, por thjesht ngroheni për t’i dhënë formë.
Në fund: Nëse dëshironi të bëheni superprotektivë, mund edhe të vendosni nën tubin e formuar një sustë të thjeshtë stilolapsi për të mos lejuar përthyerjen e telit.
Punë të mbarë!
Nga Rea Lemnusha
