Aktori shqiptar, Herion Mustafaraj, ka reaguar pas pretendimeve të zonjës Elvira lidhur me takimin e tij me këngëtaren Parashqevi Simaku, e cila për vite me radhë jetonte në stacionin e trenit në New York.
Sipas Elvirës, aktori dhe shumë miq të tjerë shqiptar e kishin vizituar këngëtaren, por nuk e kishin ndihmuar të largohej nga ai vend. Në përgjigjen e tij përmes një videoje në Instagram, Herioni ka mohuar këto akuza, duke ndarë versionin e tij të ngjarjeve. Ai tregoi se kishte kërkuar për Parashqevinë për katër ditë derisa e gjeti në stacionin e trenit. Sipas Herionit, pas ndërhyrjes së Elton Ilirjanit dhe grupit të tij, situata mori një kthesë të papritur. Ai pretendon se ata nuk kanë pranuar të japin kontakte me këngëtaren dhe se, edhe pse tani është e lirë, Parashqevia mbetet e izoluar nga ata që mund ta ndihmojnë më tej.
“Të dashur miq, kjo është pamja e qytetit që mbante peng artisten tonë të madhe Parashqevi Simaku. Kjo është një pjesë e tij duke e kërkuar. Katër ditë kisha që e kërkoja pasi mora vesh lajmin dhe përfundimisht e gjeta në anën tjetër të qytetit, sepse nuk e dija ku ishte.
Parashqevia pikërisht ndodhej tek kjo godina këtu (tregon me gisht) poshtë aty ku njerëzit i hipin trenave për të shkuar në punë. E gjeta pas 4 ditësh, e takova vetëm një herë, bëmë 5 orë muhabet, folëm për gjithçka, i thash më prit se do iki të marr makinën që ta hiqja që aty, ku u ktheva “shpëtimtarët” e kishin marrë dhe u bënë 3 ditë që shpëtimtarët nuk na kanë dhënë kontakte me të.
Dhe nuk e kuptoj më duket sikur po na mbajnë pak peng tani kur i duhet më shumë shoqëria sesa kurdo herë tjetër. Kisha dy muaj që bëja plane, 4 ditë sa e gjeta. Zonja Elvira doli në televizor dhe tha se shumë njerëz e vizitonin, një nga ata ishte Herioni. Në fakt Parashqevia i tha Zonjës Elvira, sepse ma tha vetë në telefon kur e mora dhe e pash në rrjetet sociale që e kishin lëvizur.
E kuptova kush ishin i mora i kontaktova i thash jam Herioni, po më tha “Parashqevia tha të rimë edhe pak se do vijë prap Herioni”. Megjithatë bënë shumë mirë edhe unë do kisha bërë të njëjtën gjë pas një ore, por nuk e gjeta.
Do e them edhe në intervista sepse dua kontakte me të. Parashqevia ishte e humbur, tani është e lirë, por sërish e humbur pasi ne nuk e gjejmë dot më nëpër rrjetet sociale. Duan ta mbrojnë, por jo nga miqtë.
Për atë që tha zonja se e shikonin shpesh, por nuk e kishin lëvizur që aty nuk është e vërtetë. Njerëzit janë munduar prej vitesh, grupe shoqërore që ta heqin, por këmbëngulja e saj ka qenë e fortë dhe arsyet e saj kanë qenë shumë të mëdhaja. Ajo do flasë shumë më tepër për këto momente kaq të vështira me një vendimmarrje marramëndëse ku njeriu nuk di çfarë do bëjë.”
https://www.instagram.com/herion_mustafaraj/?utm_source=ig_embed&ig_rid=89207ecf-ad94-4535-8dfe-5f2abc590be1
