Një shpërthim i fuqishëm vullkanik tronditi të martën pasdite provincën Nusa Tenggara Lindore të Indonezisë, ku mali Lebotobi Laki Laki lëshoi një re të dendur hiri që u ngrit mbi 10 kilometra në atmosferë. Pamjet e re së hirit, e formuar si kërpudhë gjigante, ishin të dukshme deri në 150 kilometra larg nga epiqendra.
Sipas Shërbimit Gjeologjik Indonezian, vullkani shfaqi një rritje të ndjeshme të aktivitetit, me 50 shpërthime të regjistruara në vetëm dy orë – një shifër shumë më e lartë se mesatarja ditore prej 8-10 shpërthimesh. Si pasojë, autoritetet ngritën nivelin e alarmit në shkallën më të lartë të mundshme dhe paralajmëruan për reshje të mundshme shiu që mund të sjellin rrëshqitje lavash përgjatë lumenjve që rrjedhin nga mali.
Shpërthimi ndodhi rreth orës 17:35 me orën lokale dhe fatmirësisht, deri tani nuk raportohet për viktima apo dëme materiale serioze. Por kujtesa për pasojat tragjike të shpërthimit të nëntorit të kaluar, ku humbën jetën nëntë persona, mbetet ende e freskët.
Ndërkohë, nuk është konfirmuar nëse ky shpërthim do të ndikojë në trafikun ajror, por autoritetet monitorojnë situatën nga afër. Më herët këtë vit, një shpërthim i ngjashëm në të njëjtin rajon kishte sjellë ndërprerje dhe anulime të fluturimeve për në Bali.
BREAKING: Mount Lewotobi Laki-laki in Indonesia has erupted 🌋
“There was an eruption of Mount Lewotobi Laki-laki on Tuesday, June 17, 2025, at 17:35 WITA with an observed ash column height of ± 10,000 m above the peak (± 11,584 m above sea level),” said the Volcano Observation… pic.twitter.com/lpWZnHQwk1
— Volcaholic 🌋 (@volcaholic1) June 17, 2025
