Aktori i njohur i filmit aksion “Fast and Furious”, Tyrese Gibson, ka kërkuar kujdestarinë e vajzës së tij, përmes një videoje ku shfaqet në gjendje të rëndë emocionale.
38-vjeçari, shpalosi në mediat sociale një numër çështjesh të vazhdueshme në jetën e tij personale, duke bërë një apel për të parë vajzën e tij 10-vjeçare Shayla, pasi tha se do të tërhiqet nga Fast & Furious 9 nëse Dwayne ‘Rock’ Johnson vijon të jetë pjesë e kastit.
Aktori postoi një video të mërkurën në të cilën ai bëri një apel emocional për të mbajtur kujdestarinë e vajzës së tij, pasi ish-gruaja Norma Gibson, kërkon një urdhër kufizues kundër tij dhe kujdestarinë e plotë të fëmijës së tyre.
“Mos ma merrni fëmijën ju lutem, mos ma merrni fëmijën tim”, tha ai përmes lotëve. “Ajo është gjithçka që kam, është e gjitha që kam, mos ma merrni fëmijën ok? Unë kam qenë larg fëmijës tim për dy muaj. Dua fëmijën tim dhe askush nuk më dëgjon, sepse askush nuk vjen në sallën e gjyqit “.
Ai tha se është i zhgënjyer nga mungesa e përkrahjes së disa prej miqve të tij milionerë dhe miliarderë: “Kam qenë aty për ju, pse nuk jeni këtu me mua?”.
Tyrese gjithashtu vuri në dukje se beteja e kujdestarisë, e cila përfshin akuza për abuzimin e vajzës, e ka dëmtuar atë në mënyrë profesionale:
“Askush nuk dëshiron të më punësojë, Norma! Urime!’, iu drejtua ish-bashkëshortes.
Ish-gruaja pretendon se ai ka ushtruar dhunë mbi vajzën mbi 10 herë, por aktori i rrëzon këto akuza me pretendimin se fëmija është këshilluar të thotë gjëra të tilla dhe të gënjejë.
Tyrese premtoi më herët se do të braktisë “Fast & Furious” nëse kolegu Johnson do të jetë në serinë e 9-të.
Në postimin, që u shoqërua me një fotografi të tijën dhe Vin Diesel duke u përqafuar me Johnson në krah, ku Tyrese shkruante: “Vini re se kush mi ka hedhur krahët rreth shpatullave dhe kush qëndron vetëm”.
Burimi: Daily Mail
