I plotëson të gjitha kriteret: brun, bukurosh dhe i gjatë. Ndaj asgjë nuk e pengon këngëtarin Shpat Kasapi për t’iu futur aktrimit.
Këtë ëndërr të hershme nisi ta ndiqte më herët, pasi synimi i tij është Turqia. Mirëpo tërmeti që shkatërroi vendin atje, i shtyu paksa planet e tij.
Megjithatë, Shpati nuk ka ndërmend të heqë dorë pa e çuar mundin deri në fund.
“Unë e pëlqej shumë aktrimin. Pse jo, do provoj të futem në botën e filmave. Në Turqi, jo këtu. Do tentoj, është në dëshirat e mia. Le të shohim në të ardhmen, se për shkak që ra tërmeti i madh në Turqi mu shua plani. Jam lodhur pak nga muzika, por është pasioni im. Për punën e aktrimit kam kontakte dhe njerëz me autoritet në Turqi më kanë thënë që nuk do bëj gabim nëse i futem kësaj bote. Gjuhën pak e di, por e mësoj shpejt”- tha ai, i ftuar në emisionin “Natën me Aulonën”.
Do t’i shkonte patjetër një rol në telenovelat turke!
