Së fundmi është përhapur me shpejtësi lajmi se Shpat Kasapi ka kryer veprime të jashtëligjshme. Mediat maqedonase kanë raportuar se këngëtari është kapur me drogë të tipit kokainë. Shpatit i janë gjetur dy paketa të vogla përpara 1 muaji në lagjen Gjorce Petrov.
Këngëtari është arrestuar dhe ndaj tij është ngritur një padi. Bëhet me dije se këngëtari është liruar, por ndaj tij pritet të fillojë gjykimi së shpejti për veprën penale që ka kryer.
Ndërkohë nga vetë këngëtari nuk ka ende asnjë reagim në lidhje me këto lajme. Nga ana tjetër Shpati po jeton ditët më të bukura në jetën e tij private. Në datë 24 dhjetor ai kurorëzoi me fejesë lidhjen e tij me bukuroshen brune, Selvijen.
Këngëtari publikoi në Instagram një foto të dorës së tij dhe të Selvijes, ne të cilën bien në sy unazat e tyre. “24 dhjetor 2020”, shkroi Shpati përkrah fotos. Ai nuk dha detaje të tjera rreth fejesës, por kishte paralajmëruar prej kohësh se do e zyrtarizonte lidhjen me bukuroshen brune.
Para pak ditësh këngëtari publikoi dhe foton e parë me partneren e tij. Në foto Selvija shihej e ulur në prehërin e Shpatit, ndërsa ai dukej shumë i dashuruar.
“Të premtoj se do ta ‘trajtoj’ me kujdes zemrën tënde dhe do ta mbush atë me dashuri!”, shkroi këngëtari përkrah fotos me partneren.
