Shumica prej nesh tashmë e di se Shpat Kasapi ka pasur një lidhje dashurie me Afërdita Dreshajn, megjithatë ajo çka nuk dinim është se ajo ka tentuar të rikthehet pas ndarjes, mirëpo këngëtari nuk e ka pranuar.
Kështu ka pohuar vetë ai gjatë intervistës në programin “Da’Sara Show.”
“Kush ka qenë historia jote e rëndësishme pas asaj (i referohet Afërdita Dreshajt), apo s’ka, aty të ka ngec sharra në gozhdë?”, e pyeti moderatorja e emisionit Dasara Karaiskaj.
Ndërkohë Shpat Kasapi iu përgjigj: “E dinë, e dinë të gjithë atë histori të kaluar që s’kthehet më.”
Dasara ia ktheu: “Nuk kthehet më… megjithëse njerëzit edhe kthehen, por vetëm mos t’i themi gjë njeriu.”
Më pas duke qeshur ai i tha: “Është kthyer, por s’e kam pranuar unë.”
Rikujtojmë se arsyeja përse Shpati dhe Afërdita u ndanë ishte fotoja e cila pushtoi internetin kohë më parë, ku ajo shfaqej në një ballkon me Leonardo DiCaprio-n.
