Këngëtari i njohur Shpat Kasapi e ka shprehur në çdo intervistë marrëdhënien e veçantë që ka me nënën e tij, Gjylymseren, megjithëse në rrjetet sociale tregohet i rezervuar në publikimin e pamjeve nga jeta e tij private.
Mirëpo ditën e sotme, ndryshe nga çdo herë tjetër, Shpati ka publikuar një foto të nënës së tij, e cila sot ka ditëlindjen. Me një urim mjaft prekës Shpati na tregoi të gjithëve se ajo nuk është vetëm nëna e tij, por edhe shoqja e tij e jetës.
“Mbretëresha ime, urime ditëlindjen! Të uroj shumë shëndet, lumturi, begati, e suksese në jetë. Nuk shkruaj për ty shpesh, sepse atë dashuri që kam për ty mami dua ta mbaj vetëm për vete, por sot nuk ia dal dot pa t’i thënë këto fjalë. Ti e di që për mua je shtylla e jetës dhe më ke ndenjur pranë gjithmonë, më ke këshilluar, më ke mësuar, më ke kritikuar sa e sa herë, por një gjë e di, çdo fjalë e jotja dhe çdo gjë që më ke thënë më ka dal në jetë. Ti nuk je vetëm mamaja ime, por je shoqja e jetës time. Festofsh gjithmonë shpirt!”, shkruan Shpati krahas fotos ku shfaqet e ëma.
