Një person që përhapi lajmin e vdekjes nga COVID-19 të Isa Mustafës ka rënë në prangat e policisë në Kosovë.
“Ka vdekur Isa Mustafa”, ishte lajmi i rremë që ka çuar në arrestimin e personit i cili ende nuk është identifikuar më media.
Ka qenë sekretari i LDK-së, Arban Abrashi ai që ka njoftuar policinë për këtë lajm të rremë pas përhapjes së videove në Facebook.
Së fundmi, lideri i LDK-së është në gjendje të mirë shëndetësore pavarësisht se po trajtohet prej ditësh nga koronavirusi.
Familjarët e tij kanë konfirmuar se gjendja e Mustafës është më e stabilizuar, ndërsa vijon të trajtohet.
Lajmin për infektimin me këtë virus e ka bërë me dije vetë Mustafa përmes një postimi në rrjetin social Facebook.
