Vetëm pak ditë më parë në media u përfol se shefi më i famshëm i kuzhinës, Renato Mekolli do të rikthej në ekranin e “Top Channel”, këtë herë me një sfidë krejtësisht të re.
Renato do të sjellë për publikun shqiptar emisionin “Hell’s Kitchen”, një emision gatimi tepër i famshëm në Amerikë dhe Britaninë e Madhe.
Ndërkohë që ka startuar edhe sezoni i ri televiziv Renato ka publikuar edhe detajet e para të këtij emisioni, dhe iu ka bërë ftesë të gjithë atyre që e kanë pasion gatimin të bëhen pjesë e këtij spektakli. Sipas Renatos ky do të jetë show që do të na mbajë të gozhduar para ekranit.
“Jeni gati? Show më i madh i gatimit po vjen! Aksion, garë dhe pasion për gatimin do të jenë udhëheqësit që do ta kthejnë kuzhinën më të famshme në Shqipëri në një arenë ku do të ndodh gjithçka! Bashkë do të shihemi së shpejti në ‘Top Channel’ në ‘Hell’s Kitchen’”, shkruan Renato krahas spotit prezantuese të emisionit më të ri që pritet të nisë në “Top Channel”.
Ky “reality show” do të realizohet mes dy skuadrave, konkurrentët e të cilave do të jetojnë në një shtëpi të përbashkët. Gara gjithashtu do të përbëhet edhe nga dënime të ndryshme, ndërsa në fund fituesi do të shpërblehet me një çmim të madh.
