Komediania dhe shoqja e ngushtë e e Jennifer Aniston, Chelsea Handler, ka folur për divorcin e Brad Pitt dhe Angelina Jolie, duke e quajtur aktoren “të çmendur”.
Të martën, përfaqësuesit e Jolie konfirmuan se aktorja kishte paraqitur kërkesën për divorc nga Pitt, pas një martese dyvjeçare, marrëdhënie njëmbëdhjetë vjeçare nga e cila kanë gjashtë fëmijë së bashku.
Një teori për atë që mund të ketë shkaktuar ndarjen ka ardhur menjëherë nga Handler. Duke iu drejtuar të pranishmëve në shfaqjen e saj “Netflix”, 41-vjeçarja foli mbi akuzat se divorci i çiftit ishte pjesërisht i shkaktuar nga abuzimi i Pitt me drogën. Një burim i njohur me aktorin 51-vjeçar dhe familjen e tij tha për “The Independent” se këto pretendime ishin “të pabaza”.
Por kjo nuk e ndaloi Handler, të thoshte: “Pyes veten pse ai [Pitt] e kishte të nevojshme të vetë-mjekohej. Ndoshta për shkak se ai mund të ketë qenë duke kaluar 12 vitet e fundit në liqenin Como me George Clooney dhe Matt Damon në vend që të mbyllej në një shtëpi me 85 fëmijët që flasin 15 gjuhë të ndryshme. Oh po, ai është martuar me një të çmendur”, tha ajo duke fajësuar Jolie-n për këtë situatë.
Burimi: The Independent
