Opinioni publik është shokuar nga historia që është bërë publike në media pasditen e sotme. Një 61-vjeçar me inicialet Q.N, ka përdhunuar të bijën për më shumë se 16 vjet, duke kryer marrëdhënie seksuale me të që në moshën 9-vjeçare.
Pasi gjeti paqen pranë murgeshave, vajza ka rrëfyer se në moshën 19-vjeçare (sot 25 vjeç) mbeti shtatzënë me të atin dhe më pas abortoi fëmijën. Gjithçka nisi kur prindërit vendosën të divorcohen dhe e ëma largohet, duke lënë tre fëmijët në duart e të atit.
I ati, së bashku me tre fëmijët, dy vajza dhe një djalë, jetonin brenda një dhome modeste në Tiranë. Mirëpo kur ka mbërritur një natë në shtëpi i pirë, i ati ka gjetur vajzën e madhe të familjes, vetëm 9 vjeç, vetëm në shtëpi dhe ka abuzuar seksualisht me të. Nga ajo ditë nuk u ndal më së abuzuari me të.
Por si u zbulua kjo histori tronditëse?
Vajza kishte nisur të angazhohej në komunitetin e murgeshave dhe nga ngohtësia që mori pranë tyre, vendosi të rrëfente tmerrin që përjetonte për 16 vite me rradhë. Pasi mësuan historinë shokuese, me pëlqimin e vajzës, kanë njoftuar policinë, ku efektivët e policisë në Tiranë bënë të mundur arrestimin e babait përdhunues.
Për uniformat blu, me një gjakftohtësi të frikshme, 61-vjecari ka konfirmuar se ka abuzuar me vajzën e tij. Madje, ai akuzon të bijën se ka dashur vete, duke hequr nga barra e fajit përgjegjësinë e tij.
Në moshën 19-vjecare, vajza ka mbetur shtatzënë me babain e saj, dhe ka kryer një abort, detaj ky i pranuar nga të dyja palët. Prej gjashtë vitesh tashmë babai dhe vajza jetonin të vetëm në banesë, pasi vajza tjetër e tyre ishte martuar, ndërsa djali kishte dalë të jetonte i vetëm me qira. Ditët e fundit vajza ishte larguar nga banesa dhe babai e kishte denoncuar të zhdukur, por pa ditur se ajo gjendej pranë murgeshave.
Policia e Tiranës i ka dorëzuar materialet procedurale në Prokurori. Ndaj 61- vjecarit janë ngritur tre vepra penale të parashikuara nga nenet 106, 100 dhe 130/a të Kodit Penal. Konkretisht ato janë marrëdhënie seksuale ose homoseksuale me personat në gjini ose nën kujdestari, marrëdhënie seksuale me të mitur dhe dhuna në familje. Vepra penale për të cilat nëse merret vendimi i dënimit maksimal, rrezikon deri në 37 vjet burg.
Burimi: Ballkanweb
