Një ngjarje e rëndë ka tronditur Italinë ditën e sotme. Një baba 70-vjeçar nga Esperia, ka vrarë dy fëmijët e tij në gjumë.
Gianni Paliotta priti që gruaja e tij Filomena De Angelis, 58 vjeçe të dilte nga shtëpia herët në mëngjes dhe më pas kreu krimin makabër.
70-vjeçari qëlloi me një plumb djalin dhe me një plumb vajzën teksa ata ndodheshin në gjumë. Djali Mariano ishte 27 vjeç dhe kishte ardhur për pushime ndërsa vajza 19 vjeç. Pasi vrau fëmijët ai qëlloi edhe veten me një plumb në kokë.
Në mediat italiane thonë se shkak për këtë krim u bë fakti se Pailota nuk e pranonte dot sëmundjen e të bijës e cila vuante nga një sëmundje e rëndë në veshka dhe po mbijetonte falë një transplanti me veshkën që i kishte dhënë e ëma.
Ndërkohë policia po vazhdon hetimet për të zbuluar shkaqet e vërteta të kësaj vrasjeje makabre.
