Aktorja e famshme amerikane Selma Blair ka tronditur të gjithë fansat pasi zbuloi publikisht se vuan nga skleroza e shumëfishtë. 46-vjeçarja tha se u diagnostikua me këtë sëmundje në gusht, ndërkohë që ka pasur simptoma prej vitesh.
Përmes një postimi në Instagram aktorja tregoi se vuante prej disa kohësh nga kjo sëmundje e rëndë:“Unë jam një person me aftësi të kufizuara, ndonjëherë nuk mbaj mend. Kam vite që e ndiej këtë shqetësim dhe më në fund arrita të diagnostikohem. Jam e lumtur që mund ta ndaj këtë edhe me ju”.
Skleroza e shumëfishtë është sëmundje e rëndë e sistemit nervor, e cila paraqitet me ankesa dhe dhimbje të ndryshme. Ankesat tipike të kësaj sëmundje janë: dobësimi në duar apo këmbë, dridhjet, artikulimi i paqartë dhe pengesa në shikim.
