The Weeknd i habiti të gjithë me transformimin e fundit në këngën “Save your tears”. Këngëtari i famshëm i shokoi të gjithë me pamjen e tij në videoklip, duke u shfaqur me proteza të dizajnuara për ta bërë atë të dukej sikur fytyra e tij kishte pësuar një operacion radikal plastik, duke përfshirë fillers rreth faqeve dhe buzëve të tij.
Fansat nisën të aludonin se kjo këngë ishte një dedikim për ish të dashurën, Selena Gomez, pasi edhe modelja që The Weeknd ka zgjedhur për videoklipin ka ngjashmëri shumë të madhe me këngëtaren. Mirëpo publiku u nda në opinione të ndryshme, pasi kishte dhe nga ata që thoshin se kënga është një thumb drejtuar Bella Hadid.
Ata shpreheshin se The Weeknd ka vendosur proteza për t’u dukur si Bella dhe për ta ironizuar për operacionet plastike. Modelja është përfolur shumë herë se ka kryer ndërhyrje estetike, por ajo e ka mohuar gjithmonë. Madje fansat bashkuan foto të tij dhe të modeles për të vënë më në dukje faktin se The Weeknd bëri këto ndryshime për t’ju përafruar pamjes së modeles.
https://twitter.com/souvenirgomezz/status/1346738005747388416?ref_src=twsrc%5Etfw%7Ctwcamp%5Etweetembed%7Ctwterm%5E1346738005747388416%7Ctwgr%5E%7Ctwcon%5Es1_&ref_url=https%3A%2F%2Ficonstyle.al%2Fharrojeni-selena-gomez-fansat-jane-te-bindur-se-transformimi-i-the-weeknd-eshte-nje-thumb-per-bella-hadid%2F
Mirëpo të gjithë jemi kuriozë të dimë se si arriti artisti në këtë transformim drastik.
Mike Morino ka treguar se këtë ndryshim e ka bërë ai dhe se ka përdorur me materiale të ndryshme për të arritur rezultatin. Ai është shprehur se për të transformuar fytyrën e The Weeknd ka përdorur edhe latex, material që përdoret në filma horror.
Dhe me anë të një postimi në Instagram Morino ka treguar hap pas hapi të gjithë punën që ka bërë për të arritur në atë përfundim që i la të gjithë pa fjalë.
View this post on Instagram
