I dashuri miliarderi i Rihanna-s, Hassan Jameel, mësohet se ka qenë i martuar para se të lidhej me këngëtaren.
29-vjeçarja u zbulua pak muaj më parë me dashurinë e saj të re, familja e të cilit ka në pronësi makinat “Toyota”, gjatë pushimeve të nxehta në Spanjë, por ka qëndruar në heshtje për marrëdhënien e tyre.
Pas disa muaj romance, “The Sun” raporton se biznesmeni i pashëm ishte i martuar para se të takonte yllin me eksperten e artit Lina Lazaar në vitin 2012 në Shtëpinë e Operës në Paris, megjithatë çifti tashmë është ndarë nga njëri-tjetri.
Rihanna e ka ruajtur romancën e saj me Hassan-in të fshehtë, por dyshja u kap mat në qershor në Ibiza, të lumtur së bashku.
Hassan është zv/president dhe nënkryetari i biznesit familjar Abdul Latif Jameel, një nga kompanitë më të mëdha në botë. Rihanna nuk është romanca e tij e parë mes rrethit të të famshmeve, pasi ai ka qenë I lidhur më parë me Naomi Campbell.
Tashmë është zbuluar për herë të parë martesa e tij e mëparshme.
“Hassan është një individ jashtëzakonisht privat. Martesa e tij mbaroi para se të takonte Rihanna-n, pasi bëri divorcin nga Lina, por kjo gjë do të vijë sërish si një tronditje për miliona fansa. Lina gjithashtu ka vazhduar jetën me një partner të ri”, tha burimi.
Lina është një anëtare e vlerësuar e komunitetit të artit përmes rolit të saj si specialiste në “Sotheby” për 11 vitet e fundit, për më tepër ajo është përmendur edhe në listën e 10 femrave më me influencë në Artin e Lindjes së Mesme.
Burimi: Daily Mail
